Лабораторија
Истражувачката дејност е
насочена кон дизајнирање, развој и синтеза на нови лиганди, прекурсори и
референтни молекули и методи за нивно обележување со радиоактивни
изотопи наменети за дијагностички, терапевтски цели, како и за базични
истражувања кои ги опфаќаат сите аспекти на развој на нови лекови и
лековити препарати, истражувања од областа на фармацијата, медицината,
биологијата, хемијата и сродни науки, како и за и претклинички и
клинички испитувања на нови и постоечки радиофармацевтици.
Апликативната дејност на лабораторијата и понатаму ќе
биде насочена кон воведување на валидирани и акредитирани постапки за
дефинирање на состав, форма на специфични радиофармацевтски препарати и
нивна контрола на квалитет.
Лабораторијата за радиофармација е влезена со својот кадровски и
технички потенцијал во програмата за прв и втор циклус студии, како и
континуирана едукација на кадри во рамките на националните и
меѓународните програми од областа на радиофармацијата и радиохемијата.